കൊല്ലം: കൊല്ലം അസംബ്ലി മണ്ഡലം എൽഡിഎഫ് സ്ഥാനാർഥിയായി മത്സരിക്കുന്ന എസ്. ജയമോഹൻ കശുവണ്ടി വികസന കോർപറേഷൻ ചെയർമാൻ സ്ഥാനമൊഴിഞ്ഞു.
ധാർമികമായ ബോധത്തിന്റെ അടിസ്ഥാനത്തിലാണ് പടിയിറങ്ങുന്നതെന്ന് അദ്ദേഹം പത്രസമ്മേളനത്തിൽ പറഞ്ഞു. സർക്കാരിന്റെ കീഴിലുള്ള അധികാര സ്ഥാനങ്ങളിലുള്ളവർ മത്സര രംഗത്തിറങ്ങുമ്പോൾ ആ പദവി ദുരുപയോഗം ചെയ്യരുതെന്നേ നിർദ്ദേശിച്ചിട്ടുള്ളൂ. എന്നാൽ യാതൊരു വിമർശനങ്ങൾക്കും ഇട നൽകരുതെന്ന മുൻവിധിയുടെ പശ്ചാത്തലത്തിലാണ് രാജി. കോർപറേഷൻ ഡയറക്ടർ ബോർഡ് ചേർന്ന ശേഷമാണ് രാജിക്കത്ത് നൽകിയത്. പാർട്ടിയുടെ അനുമതി വാങ്ങിയ ശേഷമാണ് തീരുമാനം കൈക്കൊണ്ടതെന്നും അദ്ദേഹം അറിയിച്ചു.
കോർപറേഷൻ ഡയറക്ടർ ബോർഡ് ചേർന്ന ശേഷമാണ് ജയമോഹൻ രാജിക്കത്ത് നൽകിയത്. സ്ഥാനമൊഴിഞ്ഞ ചെയർമാന് മാനേജിംഗ് ഡയറക്ടർ സുനിൽ ജോൺ മെമന്റോ സമ്മാനിച്ചു. സ്ഥാനാർഥിക്ക് കെട്ടിവയ്ക്കാനുള്ള തുക തൊഴിലാളി പ്രതിനിധികളായ ശ്രീരാജും സുനിൽകുമാറും കൈമാറി.